Америкийн баруун эрэгт суугаа Монголчууд үндэсний их баяр наадмаа Сан Франциско хотын Голден гэйт цэцэрлэгт хүрээлэнд тэмдглэсээр ирсэн уламжлал арав гаруй жил үргэлжилж байна. Дараа жилийн наадам даанч хол байна даа гээд тарж байсан саяхан, цаг хугацаа гэдэг цахилан одсоор байна. Урд жилийн баяр наадмын дурсамжаа сэргээн дурсацгаана уу?

Наадмын бичлэгийг энд дарж үзнэ үү?

Өнөөдөр баяр наадам зохион байгуулах хуралд хүрэлцэн ирсэн монголчуудаас хандив туслалцаа үзүүллээ. Тухайлбал Сан Франциско хотын Т.Мөнхөө, Ц.Эрдэнэчимэг нар $100, Конкорд хотноо суугаа С.Баяраа Ариунаа нар $50, oнлайн худалдааны "Бэй Шоп" дэлгүүрийн эзэн Найрамдал түрүү бөхийн байд хивс хандивлаж Валнут грийк хотноо суугаа тээвэр зуучлалын "Англофрейд" компанийн төлөөлөгч Оюун, Mөнх Очир нараас $200, Эл Серито хотын Сүрэнхорлоо, Батжаргал нар $300, Сан Мартио хотын Төмөрсүх, Долгорсүрэн нар $100 наадам зохион байгуулах ажилд хандивлаж бидний ажилд тусалсанд гүнээ талархан нийт монголчуудынхаа өмнөөс баяр хүргэе! 

БАМХ (Бэй Аэриагийн Монголчуудын Холбоо)

Улиран одох цаг бүхэн нэгэн насыг минь сайн муу дурсамжуудтай хамт аван оддог ч сэтгэлийн гүнд хадгалагдан үлддэг хэзээ ч мартах ёсгүй, ямагт дурсан санаж баярлаж явах нандин зүйл бас байдаг.

Өөрийн амьдралд тохиолдсон бүхнийг үдэн гаргаж, угтан авах бүрдээ хүн гэдэг ухаажиж, хайрлах хайрлуулахын ухаанд суралцдаг гэж нэгэнтээ уншиж байсан санагдана. Хүний амьдралд хэлж ирдэггүй хийсэж ирдэг өвчин зовлон элдэв бэрхшээл хэзээ ч тохиолдож болох  билээ. Одоогоос жил гаруйн өмнө миний халамжит хань, алаг үеийн минь ачит аав Баяраа маань ажлаа хийж аваад гэмт этгээдүүдийн халдлаганд өртөж ухаангүй эмнэлэгт хүргэгдэн амь нас нь дээсэн дөрөөн дээр байсан тэрхүү аймигтай хар дарсан зүүд мэт өдрүүдийг эргэн дусахаас ч эмээж байна.

Та бүгдийгээ хүндэтгэсэн С.Баяраагийн гэр бүлээс

Бэй Аэриад баяр НААДАМ тэмдэглэх комисс Ням гарагт Оакланд хотноо хуралдан ажил үүргийн хувирлалт хийлээ. Голден гэйт паркийн "Old speedway" хэмээх талбайд 7-р сарын 11 өдөр Бямба гарагт 10:00 AM - 3:00 PM цагийн хооронд Бэй Аэриагийн 2009 оны НААДАМ-ын ажиллагаа явагдана. Өмнөх жилүүдэд наадам хийж байсан энэ талбайд хэрхэн хүрч очих, машин тэрэгээ зогсоолд тавих талаар хуучин очиж байсан хүмүүс сайн мэдэх байхаа. Талбайн машины зогсоол дахь зай бага тул энэ жилийн хувьд зөвхөн худалдаа үйлчилгээ явуулах, ачаа тээш буулгах зориулалтаар ашиглахыг зөвшөөрч байна. Машин тэрэгээ ойр орчимд замын тэмдэглэгээг сайтар нягтлаад тавих шаардлагатай боллоо.

Бэй Аэриагийн Монголчуудын бас нэгэн бахархал бол ноднин жил байгуулагдсан Бие хамгаалах урлагын "Дашаа Доожо" дэвжээний тамирчин хүүхэд залуучууд билээ. Тэд саяхан 2009 оны Кальфорн мужийн Киокушин каратэгийн 5 дахь удаагийн нээлттэй тэмцээнд тун амжилттай оролцлоо. Тэмцээнд 7 дэвжээний 100 гаруй тамирчин оролцсон авхаалж самбаа, арга техникээ сорин өрсөлдсөн байна.

Шинэ ерөнхийлөгч Ц.Элбэгдорж тангараг өргөн албандаа орж байгаа ёслолын ажиллагааг Сүхбаатарын талбай дээрээс
манай фото сурвалжлагч цахим хальснаа буулган илгээснийг энэхүү зургийн доор байгаа цааш унших гэдэг дээр дарж үзэж сонирхоно уу?

Таны сонорт: Калифорния мужийн Эрүүл мэндийн үнэ төлбөргүй даатгал болох “Medical“ програм нь 2009 оны 7 сарын 1-ээр хаагдах болсонтой холбогдуулан даатгалгүй болж байгаа болон даатгалд хамрагдах боломжгүй хүмүүст xамгийн хямд үнийн үйлчлүүлгээг санал болгож байна. Манай xамт олон та бүxний хүсэлд нийцүүлэн урт xугацааний зээлийг 0% xүүтэйгээр олгон шүдний бүх төрлийн эмчилгээг хийнэ.

Америкт амьдран суугаа Монголчууд маань спортын олон төрлүүдээр уралдаан тэмцээн тогтмол зохион байгуулж оролцох хүрээ нь өргөжин тэлсээр байна. Мөн үүний зэрэгцээ үндэсний спорт, өв соёлоо дээдлэн дэлгэрүүлж байгаа сайхан жишээ бол шагайн харваа юм. Баруун эрэгт суугаа монголчуудын шагайн харвааны баг цэц мэргэ сайтайг батлах нэгэн зүйл бол ноднин жил Чикагод хотноо зохиогдсон нийт монголчуудын шагайн анхдугаар тэмцээний алтан цом билээ. Оакланд хотноо Ажаа гэгээний төв дээр амралтын өдөр хашлага сумаа хармаалан ирж хайран цагаа харамгүй зарцуулж хараа цэцээ сорьж суудаг хүмүүс цөөнгүй болсон. Улсын харцага Жавхаа тэргүүтэй хэдэн эрчүүд уяатай юм шиг тэндээс салахаа байсан харагддаг. Хааяа Лос Анжелес хотоос хүртэл нэгэн харваач явдал суудал тааруулан ирээд яаруу сандруу буцах нь бий.

Конкорд, Албани, Аламеда, Оакланд, Сан Франциско, Сакраменто хотуудаас баг бүрдэн шагайн тойрмоо зохион тэмцээн уралдаан зохион байгуулдаг төдийгүй ноднин жил Монголын шагайн холбооны салбар Кальфрон муж дахь шагайн товчоог байгуулан албан ёсны бүртгэл тамга тэмдэгээ авсан байна. Тэдний дундаас одоогоор Улсын Хүндэт Мэргэн цолтой харваач нэг (Конкордын Д.Ганболд) төрөөд байна. Баруун эргийн шагайн товчоо баяр наадам өнгөрөөд нэгэн том тойром зохиохоор бэлтгэж байна. Энэ бол Америк дахь Монголчуудын шагайн харвааны аварга шалгаруулах хоёрдахь удаагийн тэмцээн юм.

Бэй Аэриа хэмээх энэхүү үзэсгэлэнт эрэг тохой газар Монголчууд та бид төвлөрөн суусаар арав гаруй жилийн нүүр үзэж буй билээ. Америкийн баруун эрэгт суугаа орон орны үндэстнүүд өөрсдийн эвсэл холбоо байгуулан улс орноо сурталчлаж, хэл соёлоо дээдлэн баяр ёслолоо тэмдэглэсээр ирсэний нэг нь монголчууд бид юм. Анх арваад монгол хүн Сан Франциско хотын "Алтан үүд" хэмээх цэцэрлэгт хүрээлэнд үндэсний их баяр наадамаа тэмдэглэн соёмбот тугаа мандуулсан нь 1998 он байлаа. Тэр цагаас хойш Сан Франциско хотноо төвлөрөн арав гаруй удаа баяр наадмаа хамтран тэмдэглэж жилээс жилд цар хүрээ нь өргөжин тэлсээр мянга гаруй монголчууд хамрагдан оролцож улс орноо сурталчилдаг хэмжээнд хүрчээ.

Голдэн гэйт цэцэрлэгт хүрээлэнд сүүлийн дөрвөн жил дараалан наадам зохиосон "Old speedway" хэмээх буйд талбайд 7 сарын 11-ний Бямба гарагт наадамаа хийхээр товлон гэрээгээ хийлээ. Энэ жилийн хувьд паркийн захиргаанаас нилээд хатуу чанд болзол тавьж байгаа болно. Тухайлбал арга хэмжээгээ дуусгаад бүх хогоо нийлүүлэн ачах тусгай том чиргүүл захиалах, хогоо ачих хаях, нийтийн бие засах зөөврийн цэг 3-аас доошгүй байх, гар цэвэрлэх цэг заавал байрлуулах гээд өртөг зардал өндөртэй олон зүйлүүд байна. Бэй Аэриагийн Монголчуудын Холбооны (БАМХ) идэвхтэн гишүүд дэмжигчид голлон зохион байгуулах комиссыг бүрдүүлж ажил үүрэг хувиарлан хариуцаж Бэй Аэриад ажиллаж амьдарч буй урлаг соёл, спортынхон, нийт Монголчууд та бүхний хандив туслалцаагаар баяр наадамаа ёслол төгөлдөр тэмдэглэдэг сайхан уламжлалтай. Энэ жилийн хувьд эдийн засгийн хямрал элдэв хүчин зүйлээс шалтгаалан баяр наадмын ажиллагааг ивээн тэтгэдэг хувь хүмүүс, байгууллага одоогоор бараг байхгүй шахуу байна. Иймд үндэсний их баяр наадамаа ёслол төгөлдөр тэмдэглэн хотлоороо цэнгэн баясахад монгол хүн бүрийн дэм нэмэр хэрэгтэй болоод байна. Хүүхэд багачуудаа тоглуулах хийлдэг байшин талбайд тавих зардал гэхэд л хасас мянга хүрдэг. 

7 сарын 21-ний Ням гарагт баруун эрэгт баяр Наадамын ажиллагааг зохион байгуулах комиссыг байгуулан ажил үүргийн хувиарлалт хийх ерөнхий төлөвлөгөө гаргахаар нээлттэй уулзалт болох тул санал бодлоо нэмэрлэх, хандив туслалцаа үзүүлэх хүмүүсийг Ням гарагт 3:00 PM цагаас Оакланд хот дахь Ажаа гэгээний төв, БАМХ-ны байранд хүрэлцэн ирэхийг урьж байна. Мөн имэйл шуудангаар болон имэйл сүлжээгээр санал бодлоо чөлөөтэй хуваалцана уу. Наадамын талбайд худалдаа үйлчилгээ явуулах, зар сурталчилгаа байрлуулах журмыг наадамын хөтөлбөрийн хамт батлан удахгүй нийтэд танилцуулна.

Харийн нутагт хамтдаа тэмдэглэсээр ирсэн дэнж хотойлгох дэлхийд ганц монгол наадамаа дэлгэр сайхан хийцгээе!  
 
Жич: Хандив туслалцаа үзүүлсэн хүмүүсийг бүртгэн тооцоог нээлттэй зарлах болно.   
Харилцах утас: (415) 272 3003, (415) 823 4605, (415) 596 9541, (925) 726 8515, (510) 384 0664
Имэйл хаяг: Энэ и-мэйл хаяг спамаас хамгаалагдсан тул JavaScript тохиргоогоо нээнэ үү      

Эх нутагт маань дэлгэр зуны улирал эхлээд дэнжийн цэцгүүд алаглан дэндүү сайхан байгаа. Униартан цэлийх уудам талдаа очоод цэвэр тунгалаг агаараар цээж дүүрэн амьсгалмаар санагдаж байна уу?, тэгвэл та "Нюанс" хамтлагын дуучин Д.Өнөрбаатар, дуурийн дуучин Ц.Батхуяг нарын хамтарсан "Монголоо санан дуулая" тоглолтонд хүрэлцэн ирээрэй. Сонгодог урлагын дуулаачийн мэргэжилээр хамт суралцаж төгссөн ангийн хоёр анд авъяаслаг залуусын тоглолт нутгаа санасан таны сэтгэл зүрхийг ая дууны дээж "Монголын үнэртэй салхиар" аргадан тайвшруулах болно.

Тоглолт 7 сарын 4-нд Бямба гарагт Оакланд хотын төвд байрлах Ахмадын дурсгалын ордоны тохилог том бүжгийн зааланд (Lake Merrite Dancing Center) болох гэж байна. (БАМХ-ны 2009 оны шинэ жилийн цэнгүүн, дуучин Т.Дарьжавын тайлан тоглолтын үдэшлэг зохиогдсон газар) Тоглолтын дундуур нийтийн бүжиг, диско, дал, ная, ерээд оны нийтэд түгсэн дуу хөгжим, ялгуун сайхан блюз, сонгодог аяз, яруу найргийн дээж гээд олон сонирхолтой хөтөлбөр багтаж байна.

Хоёр дуучин маань хүрэлцэн ирсэн үзэгчдийн дундаас хэд хэдэн азтан шалгаруулж гарын бэлэг гардуулна. Тоглолтын үеэр бар ажиллаж хөнгөн зууш, шар айраг, ундаа улаан дарсаар үйлчилнэ. Амраг хайртай хань, анд найз нөхдийнхөө хамт сэтгэлд хоногшсон ая дуу сонсож нэгэн үдшийг хамтдаа дуулж бүжиглэн сайхан өнгөрөөнө үү?

Хэзээ: 4 July, 2009, Saturday @ 6:00 PM
Хаана: Downtown Oakland Veterans Memorial Building
200 Grand Ave., Auditorium, Oakland, CA, 94610
Холбоо барих утас: (510)-355-5154
Үнэ: $35,

Их британын Монголчуудын холбооноос санаачлан Их Британид суугаа Монгол Улсын ЭСЯ-тай хамтран олон улсын хүүхдүүдийн дунд зохион байгуулсан "Let's save the world of planet" сэдэвт уран зургийн уралдаанд Бэй Аэриагийн Албаны хотноо суугаа (Монгол Улсын харцага) Жавхлантөгсийн Танан охины зурсан зураг тэргүүн дэд байр эзэлжээ.
Ж.Танан охин Албани хотын Корнелл бага сургуулийн дөрөвдүгээр ангид суралцдаг, чөлөөт цагаараа уран зураг зурах сонирхолтой авъяаслаг хүүхэд ажээ. Мөн Албани хотын Э.Энхбилэг хүүгийн зурсан "California and Mongolia" бүтээл (зураг дээр) шагналт байранд шалгарчээ.  

Аль ч улс оронд, нийгмийн хөгжлийн тодорхой үе шатанд өөрчлөлт заавал шаардагддаг. Улс орны хөгжил зогсонги болох, ард иргэдийн амьдралд нааштай өөрчөлөт гарахаа болих, ерөнхий тогтолцоо, түүний үйл ажиллагаа нь олон нийтэд таалагдахгүй болох үед, ард иргэд өөрчлөлтийг хүч эхэлдэг. Ийм өөрчлөлтийг хүсэх хүсэл, шаардлага нь хувьсгалын тохироо болон бүрэлдэнэ. Ийм хүлээлт шаардлагад нийцүүлэн гарч ирж буй хөдөлгөөн санаачлага нь олон нийтийн дэмжлэгийг хүлээж, хувьсгал болон өрнөж, хүсч буй өөрчлөлтийг авч ирдэг аж.

Монгол оронд 1911 онд болсон, үндэсний эрх чөлөөний хөдөлгөөн нь, олон зуун жилд Монгол оронд ноёрхсон Манжийн дарлалыг эсэргүүцэж, тусгаар тогтнолоо олох хүсэл эрмэлзлэлээс үүдсэн. Харин 1921 оны Ардын хувьсгалын талаар,  өдгөө янз бүрээр дүгнэн тайлбарладаг ч, Монгол Улсыг тусгаар тогтнуулж, дэлхийн газрын зураг дээр өөрийн хил хязгаартай, бие даасан тусгаар улсын статусыг дэлхий дахинд хүлээн зөвшөөрүүлсэнд гол ач холбогдол нь оршдог.

1990 оны Ардчилсан хувьсгал, монгол оронд олон жил орчин тогтнож байсан нийгмийн тогтолцоог халж, дэлхийн өнөөгийн хөгжлийн чиг хандлага руу тэмүүлсэн, эрх чөлөө, чөлөөт сонголтын төлөөх өөрчлөлт байлаа. Хувьсгал болгон өөр өөрийн аргатай. Хүчирхийлэл, цус урсгалт, бас тайван замаар гэхчилэн. Харин бид, бүгдийг туулж өнгөрүүлсэн.

1990 оны ардчилсан хувьсгалаас монголчууд их олон зүйл, өөрчлөлтийг хүлээж байлаа. Өнгөрсөн 19 жилийн хугацаанд хийгдсэн өөрчлөлт, олсон ололт багагүй байгаа хэдий ч, хамгийн гол зүйл болох шударга ёс, эрх чөлөө, чөлөөт сонголт төдийлэн хэрэгжсэнгүй. Энэ хувьсгалаас олон нийтэд хүртэх ёстой, олон нааштай үр дүнг, цөөхөн олигархууд хуйвалдан завших боллоо. Дэлхийн хөгжлийн өнөөгийн чиг хандлага, шударга ёс, шударга хөдөлмөр, иргэддээ тавих нийгмийн халамж, хүндэтгэлийн тухай, гадаадын олон оронд ажиллаж амьдарч байгаа, бас зорчиж байгаа олон  монголчууд мэдрэх болсноор, харьцуулан харж,  ийм байдалд дургүйцэж байна. Тэд өдөр хоногоор Монгол орныг бүрхэж буй, ажилгүйдэл, шударга бус байдал, хүнд суртал, авилгал хээл хахуулийн тогтолцоонд дургүйцэн бухимдаж байна.

Тэд өөрчлөлтийг хүсч байна.